Lajmet

Mozilla heq dorë nga zhvillimi komercial i Firefox OS

Sep 28 2016
0 Shpërndarje
Mozilla heq dorë nga zhvillimi komercial i Firefox OS

mwc_slider_firefox-100248183-largePasi ndaloi zhvillimin e sistemit operativ Firefox OS në 2015-tën, Mozilla la të kuptohet se kishte ende shpresë për platformën. Fondacioni shprehu haptazi ambicjet e tij për të zhvilluar më tej Firefox OS për televizorët e mençur, tabletët, routerat dhe kompjuterat All-in-One.

Në të vërtetë ky plan nuk qëndron më. Mozilla sapo njoftoi zyrtarisht se zhvillimi komercial i Firefox OS ka mbërritur në fundin e tij. Të gjithë e dëgjuan lajmin e bujshëm se Firefox OS po largohej por pak mësuam se cilat ishin sfidat e kompanisë me platformën.

Me përfundimin e mbështetjes në fund të 2015-tës për telefonët inteligjent, më 31 Janar 2016 Firefox OS u zhvendos në një projekt me prioritet të ulët. Atë kohë divizioni i paisjeve Mozilla vijoi punën me të.

Megjithatë Mozilla kishte akoma plane me Firefox OS. “Kishim disa ide për ta eksploruar më tej platformën në botën e paisjeve të ndërlidhura e mbase të mbanin të gjallë Firefox OS TV,” shkruan Mozilla në blog.

Pikërisht kjo ishte arsyeja pse Mozilla vijoi zhvillimin e Firefox OS 2.6. Madje u ndërmorr një nismë për të pastruar kodin e hapur për tja dorëzuar komunitetit në mënyrë që të ndërtonin sistemin operativ mobil që dëshironin. Qartësisht Mozilla nuk kishte në plan të punonte më me projektin. (PCWorld Albanian)

Tags >

Mozilla
Lajmet e fundit>