Windows 10: Përditësimet do të jenë të detyrueshme për konsumatorët individualë

Publikuar më: 18-07-2015

ab9e8da6-fed0-41ec-b376-ad4750325622-620x372Sistemi operativ Windows 10 do të detyrojë përdoruesit e versioneve për përdorim personal të platformës të shkarkojnë përditësimet automatike. Me fjalë të tjera nuk do të ketë opsion çaktivizimi të përditësimeve.

Ndërtimi më i fundit, që mendohet edhe të jetë version final që do të debutojë në 29 Korrik, ka një sistem të përditësimeve që nuk mund të ndalohet nga funksioni.

termat e liçensimit ekziston një klauzolë që thotë: “Duke pranuar këtë kontratë, ju jeni dakord që të merrni përditësime automatike pa asnjë njoftim shtesë”.

Versionet Profesionale dhe Enterprise të Windows 10-tës do tu garantohet më shumë kontroll mbi instalimin e përditësimeve. Versionet e kaluara të Window 10-tës, përfshi edhe të fundit që është Windows 8.1, ofronin më shumë opsione për kontrollin e përditësimeve madje edhe ti ç’aktivizonit.

Këto përditësime përveç se rregullonin gabime të sistemit operativ, ato janë të një rëndësie të veçantë edhe në sigurinë e sistemit operativ dhe mbrojtjen nga hakerat.

Windows 10-ta ka dy opsione: Shkakoni, instaloni dhe rindizini kompjuterin automatikisht, ose thjesht shkarkoni, instaloni dhe rindizni kompjuterin manualisht.

Përditësimet automatike do të rrisin sigurinë e përdoruesve, megjithatë mund të mos pëlqehen. Një pjesë e madhe e konsumatorëve të Microsoft sidomos ata që përdorin rrallë herë kompjuterin kanë gjasa që të ballafaqohen më shpejt me përditësimet automatike duke i penguar që të punojnë. (PCWorld Albanian)

Windows 10: Përditësimet do të jenë të detyrueshme për konsumatorët individualë
0 votes, 0.00 avg. rating (0% score)