Vitin e ardhshëm pajisjet e ZTE me sistemin Firefox

Ngjashëm me këtë

Mozilla ofron smartfonë për zhvilluesit që do të ndërtojnë aplikacione për sistemin Firefox OS

Shiten të gjithë telefonët e projektuar për dizajnuesit me Firefox OS

Mozilla lançon modelin e përditësuar simulues Firefox OS

Samsung nuk është i interesuar në Firefox OS

Sony do të lançojë në 2014 pajisjen e tij me sistemin operativ të Firefox

ZTE, që është njëri nga prodhuesit më të spikatur të pajisjeve mobile në Kinë, planifikon të lëshojë smartfonë në fillim të vitit të ardhshëm, që e përdorin sistemin operativ Firefox.

Duke folur gjatë ditës së sotme për reporterët në Kinë, ndërmarrja tha që do të lëshojë pajisje të dorës që do përdorin sistemin operativ Firefox në çerekun e parë të vitit 2013.

Sipas Wall Street Journal, që ishte pjesëmarrës në ngjarjen për shtyp, ndërmarrja nuk tha se sa smartfonë me sistem operativ Firefox synon të lëshojë dhe nuk ofroj hollësi të mëtejshme për pajisjet.

Mozilla lajmëroi gjatë verës bashkëpunimin e vet me ZTE-në. Në atë kohë, ndërmarrja e kishte emërtuar sistemin operativ Firefox OS. Platforma me burim të hapur përdor Linux, por përdor aplikacione në një version të shfletuesit Firefox. Qëllimi, thotë Mozilla, është të “largohen pengesat rrugore për përdoruesit dhe zhvilluesit” duke i vendosur aplikacionet në cloud.

Kur Mozilla lajmëroi së pari për sistemin operativ në shkurt, ndërmarrja kishte shpresuar që pajisjet e para do të dalin në treg në fund të këtij viti. Tani pritet që të ndjekin udhëheqjen dhe aderimin e ZTE-së në fillim të vitit 2013. Brazili pritet të jetë shteti i parë që do t’i marrë ato.

Përveç investimit në Firefox OS, ZTE konfirmoi gjatë ditës së sotme që po ashtu do të lëshojë pajisje me Windows Phone 8 për konsumatorë. Kjo ndërmarrje nuk planifikon të lëshojë ato pajisje deri në fund të këtij viti ose fillimit të vitit 2013. (PC World Albanian)