Lajmet

Twitter kundërpërgjigjet gjobës së autoriteteve turke me një padi në gjykatë

Jan 7 2016
0 Shpërndarje
Twitter kundërpërgjigjet gjobës së autoriteteve turke me një padi në gjykatë

Photo illustration of Twitter logo on an iPhone display next to a Turkish flagRrjeti social Twitter i është përgjigjur akuzave të autoriteteve turke duke firmosuar një akt padi në një gjykatë në kryeqytetin e vendit, Ankara, raporton agjensia e lajmeve Reuters. Një muaj më parë, autoritetet turke kishin gjobitur rrjetin social me 50,000 Euro për shfaqen e përmbajtjeve terroriste në Twitter.

Zyrtarët e këtij shteti thanë se materialet kishin të bënin me Partinë e Punëtorëve të Kurdistanit (PKK) të cilën Ankaraja e quan organizatë terroriste. Një zëdhënës i Twitter tha për Reuters se kompania e kishte dërguar çështjen në gjykatë duke mos dhënë detaje të tjera.

Gjoba prej 150,000 lirash turke ishte e para e këtij lloji vendosur nga autoritetet shtetërore. Sipas Twitter, gjoba shkel ligjin dhe duhet të anullohet. Shkak është bërë një kërkesë e autoriteve turke për fshirjen e disa cicërimave që kishin të bënin me PKK e cila gjithashtu cilësohet si organizatë terroriste edhe nga Bashkimi Europian.

Qeveria e këtij vend ka shtrënguar masat muajt e fundit duke e bërë të lehtë vendosjen e gjobave të tilla ose ndalimin e aksesit. Turqia është ndër vendet me numrin më të lartë të kërkesave për informacion dhe largimit përmbajtjesh në Twitter. (PCWorld Albanian)

Tags >

Twitter
Lajmet e fundit>