Vazhdon beteja virtuale kundrejtë Serbisë

Hakerët nga Kosova, përkatësisht grupi KHG (Kosova Hackers Group) po vazhdojnë luftën e tyre virtuale kundrejt Serbisë dhe këtë e konfirmon sulmi më i fundit i bërë prej tyre kundrejt disa ueb faqeve të internetit të cilat u takojnë institucioneve kryesore të Serbisë.

Sulmi ka ndodhur gjatë ditës së sotme rreth orës 17:00, gjatë së cilit sulm grupi e ka quajtur vetën "Albanian Hackers" dhe ka vendosur në këto faqe një imazh me shqiponjë dhe mbishkrimin "United States of Albania"
Me këtë rast KGH që u identifikua me emërtimin "Albanian Hackers", kanë shkruar në këto ueb faqe revoltën e tyre ndaj nënshkrimit të protokollit ndërmjet EULEX-it dhe Serbisë.

Shkrimi vazhdon më tej me tekstin se thyerjen e ueb faqeve "mund ta bëjnë dhe do të vazhdojnë ta bëjnë. Më tej shkruan se nuk do të harrojnë kurr atë që i kanë bërë popullit shqiptar, me ç'rast keni dëbuar mbi 1 milion dhe keni vrarë mbi 14.000 njerëz dhe keni dhunuar mbi 20000 femra"."Fjalia jonë përfundimtare është nderimi i të gjitha familjeve që kanë humbur dikë në luftë kundër jush. Ne vetëm duam drejtësi dhe dëshirojmë rikthimin e të pagjeturve" përfundon teksti i vendosur nëpër ueb faqe.

Nga domeni .gov mund të kuptoni se bëhet fjalë për ueb faqe shtetërore, përkatësisht qeveritare.

Gjersa po shkruhet ky artikull ueb faqet e sulmuara si www.gimnazija.mod.gov.rs, www.airserbia2009.vs.rs, vazhdojnë të kenë në ballinën e tyre logon e "Albanian Hackers".