Shfaqen online imazhe të smartfonit të ardhshëm të HTC. Bie në sy ngjashmëria me iPhone 6!

Publikuar më: 26-08-2015

cnpizzsweaatpblNëse menduat se smartfoni në foto është iPhone 6S, atëherë gaboheni. Në fakt është smartfoni i ardhshëm i HTC i cili ngjason shumë me iPhone 6.

Deri më tani dihet shumë pak për këtë smartfon por nëse bazohemi në imazhin e publikuar mund të themi se ai do të ketë një ekran më të madh se ai 4.7 inç i iPhone 6. E sikur mos të mungonte forma dhe ngjyra e përafërt, smartfoni i HTC dhe ka dhe dy vija të holla të bardha në pjesën e pasme identik me vijat e antenave të iPhone 6.

Në foton e publikuar duket se në pjesën e përparme smartfoni është i ndërtuar nga xhami. Smartfoni më i fundit i HTC, One M9 ka pjesë anësore metalike rreth ekranit ndaj ka shumë mundësi që dhe smartfoni i ardhshëm të ketë një sasi të konsiderueshme metali në përbërje. Deri më tani thuhet se smartfoni i ardhshëm i HTC mund të quhet HTC A9 ose Aero 9. Ndryshe ai është cilësuar si smartfoni ‘hero’ i cili do të ndihmojë kompaninë të rrisi pjesën e saj të tregut. (PC World Albanian)

Shfaqen online imazhe të smartfonit të ardhshëm të HTC. Bie në sy ngjashmëria me iPhone 6!
0 votes, 0.00 avg. rating (0% score)