Shërbimi i hartave Maps i Google tanimë i disponueshëm për tu përdorur dhe offline

Publikuar më: 30-05-2015

apple-maps-ios-8

Edhe pse interneti sot shihet si një mjet i domosdoshëm i të përditshmes sonë, për shumë persona ai mund të jetë një shërbim i kushtueshëm. Në mënyrë që ta bëjë shërbimin Maps sa më të volitshëm për këtë pjesë të konsumatorëve, Google do të ofrojë kërkimin dhe drejtimet e shfaqura në Maps dhe për përdoruesit offline.

Gjatë konferencës I/O, Google foli së tepërmi për atë që e quajti ‘ the next billion users’ (miliarda përdoruesit e ardhshëm). Me këtë kompania iu referua atyre përdoruesve që janë në hapat e parë të adoptimit me ekosistemin online të internetit mobil. Ishte Jen Fitzpatrick, zëvëndës presidenti i inxhinierëve i cili paraqiti shërbimin Maps në një smartfon nën modën ‘airplane mode’ pra pa qënë e pranishme lidhja e internetit. Fitzpatrick navigoi në një muze në Meksikë, i hodhi një sy vlersimeve dhe orareve të hapjes së tij dhe më pas kërkoi drejtimet për të shkuar në këtë vend me anë të komandave zanore.

google_maps_navigation_google_play_screenshot1

Mundësia për të përdorur offline Maps do të mbërrijë tek përdoruesit më vonë gjatë këtij viti, kompania akoma nuk ka zbuluar ndonjë datë ekzakte lancimi. Gjithashtu nuk është ende e qartë mënyra se si Maps ngarkon të dhënat duke qënë offline apo se sa fleksible do të jetë kjo eksperiencë. Konkretisht potenciali i vërtetë i Maps vjen përkrah Now on Top, shërbimit më të fundit të lancuar nga Google. Ky shërbim mund t’ju paraqesë të dhëna përsa i përket axhendës tuaj ditore, ku duhet të udhëtoni, etj. Axhendën tuaj në Now on Top mund ta integroni fare lehtë më Maps e cila do t’ju paraqesë drejtimet për të përfunduar të gjitha takimet tuaja gjatë ditës. Në këtë mënyrë ndërtohet një librari e bollshme offline e cila ju ofron informacione të domosdoshme pa qënë nevoja për përditësime të shpeshta. (PC World Albanian)

Shërbimi i hartave Maps i Google tanimë i disponueshëm për tu përdorur dhe offline
0 votes, 0.00 avg. rating (0% score)