Së shpejti të gjithë me Timeline

Publikuar më: 01-08-2012

Të gjithë ju që vazhdoni të refuzoni kalimin e profilit tuaj në Facebook nga muri tradicional në atë me timeline, mos vazhdoni të shpresoni se do t’ju lejohet për shumë gjatë sepse ata do ta bëjnë automatikisht transferimin në muajt në vazhdim.

Që prej janarit të këtij viti, përdoruesit ishin të lirë të zgjidhnin dy versionet e paraqitjes së profilit së tyre dhe një pjesë e tyre e transformuan menjëherë atë në timeline, ndërsa pjesa tjetër – ndoshta ata që i urrejnë ndryshimet apo ata që mund të kishin diçka për të fshehur – vazhduan të mbajnë stilin e vjetër, me mur.

Por shumë shpejt nuk do të ekzistojë më kjo liri zgjedhjeje. Facebook ka bërë të ditur se po planifikon që të gjitha profilet të kalojnë në Timeline duke filluar nga vjeshta e këtij viti. Deri në fund të vitit, të 955 milionë profilet do të jenë të stilit Timeline. Kjo për arsyen se Facebook do të shtojë në të ardhmen disa opsione të reja për Timeline.

Për ju që doni të keni kontroll mbi postimet tuaj të hershme në Facebook dhe që nuk doni t’i bëni ato publike, Facebook ju ofron mundësinë të kaloni përkohësisht për 7 ditë në profilin Timeline, të fshihni nga faqja juaj gjithçka që nuk doni të jetë e dukshme dhe më pas të bëni publik profilin tuaj në stilin Timeline. Ky është një opsion tepër i fuqishëm kontrolli duke qenë se ju mundëson të zgjidhni postimet që doni t’i lejoni të shfaqen në Timeline (Allowed on Timeline) dhe ato që nuk doni të shfaqen (Hidden from Timeline). (PCWorld Albanian)

Së shpejti të gjithë me Timeline
0 votes, 0.00 avg. rating (0% score)