Schmidt: Censura përfundimisht do të dështojë

Ngjashëm me këtë

Shërbimi Digg Reader lançohet më 26 qershor

Google pranë marrëveshjes për të blerë ndërmarrjen e aplikacioneve për harta Waze

Google rrit shpërblimet për ata që raportojnë për gabime

Curata, një alternativë e qëlluar e Google Reader

Analizat statistikore gjejnë që Google ndalon 35% të shërbimeve të veta

Në vitin 1993, aktivisti në internet, John Gilmore, tha që “Rrjeti e paraqet kufizimin si të dëmshëm dhe rrugëton përgjatë saj.”

Pas pothuajse 20 vitesh, Kina ende është duke vendosur bllokime në internet si përpjekje për të kufizuar rrjedhën e informacionit brenda kufijve të vet. Megjithë këmbënguljen e Kinës, përpjekja përfundimisht që do të dështojë dhe, kur të dështojë, vendi do të shohë hapjen politike dhe shoqërore në një shkallë të lartë, parashikon Eric Schmidt, shefi ekzekutiv i Google.

“Unë besoj që kufizimi përfundimisht dështon,” thotë ai në një intervistë për blogun e revistës Foreing Policy, The Cable, në Festivalin e Ideve “Aspen” gjatë javës së kaluar. “Kina është qeveria e vetme që është e lidhur në kufizimin aktiv, dinamik. Ata nuk janë të turpëruar për këtë.”

Përfundimisht, Muri i Madh Kinez i kufizimit do të shkatërrohet nga presioni i përparësive teknologjike dhe dëshirave të njerëzve për informacion dhe liri, parashikoi ai.

“Unë personalisht besoj që ju nuk mund të ndërtoni një shoqëri me dituri moderne me atë lloj të të vepruarit, dhe ky është mendimi im,” thotë ai. “Unë mendoj që shumica e njerëzve në Google do të pajtohen me këtë. Pyetja e natyrshme e radhës është kur [Kina do të ndryshojë] dhe askush nuk e di përgjigjen e kësaj pyetjeje. [Por] në një periudhë të gjatë kohore, a mendoj unë që ky lloj i regjimit do t’i afrohet fundit? Absolutisht që po.

Google me siguri që nuk është e druajtur për t’ja thënë Kinës këto gjëra. Ndërmarrja ka akuzuar Kinën për vjedhje të pronës së vet intelektuale dhe për përpjekjet për të hakuar llogaritë e Gmail të aktivistëve për të drejtat e njeriut. Ata thonë që sulmet janë aq të shpeshta sa që ndërmarrja madje ka filluar t’i paralajmëroj përdoruesit se kur ata mund të jenë caku.

Edhe Google gjithashtu ofron mundësi për të tejkaluar murin e kufizimit nga Kina, duke ju qasur Uebit pa pengesa. (PCWorld Albanian)