Samsung Galaxy View është një tablet me ekran 18.4 inç, proçesor Exynos tetë bërthamësh dhe bateri 5700 mAh

Publikuar më: 05-10-2015

galaxy-view-brandShumë shpejt Samsung mund të sjellë në treg një tablet që do të konfrontohet me produkutet e të njëjtës kategori ndërtuar nga Microsoft dhe Apple. Bëhet fjalë për një tablet dhe ekzistencën e tij e konfirmon databaza e GFXBench.

Sipas të dhënave të publikuara, tableti me emrin e koduar SM-T760 ka ekran 18.4inç me rezolucion 1.920×1.080 piksel dhe proçesor Exynos 1.6Ghz tetë bërthamësh ndërtuar nga Samsung.

Përsa i përket harduerit ky tablet do të ketë 2GB RAM, kamera frontale 2 megapiksel dhe sistem operativ Android Lollipop 5.1.1. Këto detaje vinë nga GFXBench dhe duke qenë është në fazë testimi është e mundshme përfshirja Android Marshmallow deri në debutimin zyrtar.

screen-shot-2015-10-05-at-10-49-55Më herët gjatë muajit shtator, Samsung publikoi online një video ku shfaqej një tablet me ekran të madh ose një pajisje dy në një të quajtur Galaxy View. Zbuluesi i njohur informacioneve të produkteve teknologjike të pazyrtarizuara, Evan Blass, e konfirmoi ardhjen e një tableti të tillë duke shtuar se bateria e saj do të ketë kapacitet 5.700mAh.

Ekziston një tendencë për të hedhur në treg tabletë me ekrane të mëdha. Gjigandët e teknologjisë po rrisin dhe përmasat e tabletave duke i shëndrruar ato kështu në pajisje dy funksionale që mund të përdoren si tablet të thjeshtë por dhe si laptop nëse i bashkangjitet një tastjerë. Ndaj mund të themi se një ekran 18.4inç nga Samsung do të kishte shumë kuptim në një moment të tillë. (PC World Albanian)

Samsung Galaxy View është një tablet me ekran 18.4 inç, proçesor Exynos tetë bërthamësh dhe bateri 5700 mAh
0 votes, 0.00 avg. rating (0% score)