Një grup hakerash Kinez shkatërrojnë Nexus 6P, vjedhin fotot nga një iPhone 6S

Publikuar më: 27-10-2016

screen-shot-2016-10-26-at-11-33-30-1200x672Një grup hakerash Kinezë të njohur si Tencent Keen Security Lab Team ka fituar 215,000 dollar falë tre “exploit-ëve” të zhvilluar për Nexus 6P dhe iPhone 6S.

Hakimet u realizuan gjatë evenimentit MobilePwn2Own organizuar nga Trend Micro. Grupi në fjalë rrëmbeu gjysmën e shpërblimeve totale të aktitivtetit pas hakimit me sukses të Nexus 6P, Galaxy S7 dhe iPhone 6S.

Ekipi Keen shkatërroi një Nexus 6P i përditësuar me versionin më të fundit të Android dhe arnimeve të sigurisë brenda 5 minutave. Ata arritën të instalonin një aplikacion të dëmshëm pa ndërveprimin më të vogël nga ana e përdoruesit.

Vetëm kjo përpjekje u siguroi atyre 100,000 dollar. Më pas ata arritën të instalonin një aplikacion mashtrues në iPhone 6S por që nuk i rezistoi një rindezjeje të telefonit. Megjithatë arritën të shtinin në duar fotot e iPhone 6S.

Të gjitha dobësitë e zbuluara nga konkursi janë dërguar paraprakisht nga Trend Micro tek Apple dhe Google brenda të gjitha rregullave standarte të zbulimit. (PCWorld Albanian)

Një grup hakerash Kinez shkatërrojnë Nexus 6P, vjedhin fotot nga një iPhone 6S
0 votes, 0.00 avg. rating (0% score)