Microsoft prezanton tabletin 12 inç Toshiba për të konkurruar me iPad Pro

Publikuar më: 07-09-2015

toshiba-windows-10-tablet-ipad-proNdërsa shpresat janë akoma të gjallë për një debutim të mundshëm të iPad Pro në evenimentin e 9 Shtatorit të Apple, Microsoft zbuloi një tablet prototip me ekran 12 inç i cili mund të jetë konkurrenti direkt i Apple në afrimin e konsumatorëve të biznesit.

The Verge e kishte në duar këtë prototip dhe bëhet fjalë për një tablet ndërtuar nga Toshiba. Ka rezolucion 1920 x 1080p me madhësinë se 12 inçëve dhe është super i lehtë. Një tablet në përmasa të tilla normalisht nuk mund të mos paiset me lapsin Stylus dhe një tastierë me konektor magentikë.

Nëse ky produkt sheh dritën e “diellit”, eventualisht kemi të bëjmë me një konkurrent direkt të iPad Pro ku ky i fundit do të ketë një version të modifikuar të iOS me synim produktivitetin. Prototipi ka në brendësi proçesor Intel Atom i cili është më pak i uritur për energji dhe si rezultat edhe më i dobët në performancë krahasuar me modelet Intel Core që gjendet tek Surface Pro.

Nuk ofrohet asnjë detaj rreth çmimit e as disponueshmërisë së këtij tableti. Mbase mund të dalë në shitje nëse shohim një debutim të shpejtë të iPad Pro. (PCWorld Albanian)

Microsoft prezanton tabletin 12 inç Toshiba për të konkurruar me iPad Pro
0 votes, 0.00 avg. rating (0% score)