Më shumë se 270 milion kompjutera po funksionojnë me Windows 10 njoftoi Microsoft

Publikuar më: 30-03-2016

pcw0417-100653159-largeAdoptimi i Windows 10-tës ka vijuar të jetë i qëndrueshëm, tha Microsoft gjatë konferencës Build mbajtur ditës së sotme. Më shumë se 270 milion kompjutera po funksionojnë me Windows 10-tën bëri të ditur kompania duke thyer çdo rekord adoptimi të sistemeve operative të kaluar.

Zyrtarët e kompanisë gjithashtu zbuluan një detaj interesant se mbi 75 miliard orë janë shpenzuar në Windows 10 gjer më sot. “Windows 10 shënoi një start të jashzakonshëm,” u shpreh shefi ekzekutiv i Microsft, Satya Nadella. “Është versioni me rritjen më të lartë të sistemit operativ si për konsumatorët individualë ashtu edhe për bizneset.”

Sistemi operativ më i ri i Microsoft shënoi 75 milion instalime katër javët e para të debutimit në Gusht të 2015-tës. Në tetor arri në 110 milion ndërsa në Janar të 2016-tës shkoi në 200 milion. Pothuajse katër muaj dhe këtyre shifrave janë shtuar edhe 70 milion të tjerë.

Megjithatë Microsoft ka vendosur vetvehtes një objekt mjaft ambicioz, ai i instalimit të sistemit operativ në 1 miliard paisje brenda 2018-tës. Mos arritja e këtij objektivi do ti shtohet listës së dështimeve të Microsoft. Gjithashtu koha për një përditësim falas në Windows 10 po mbaron. Afati përfundimtar është data 26 Korrik. (PCWorld Albanian)

Më shumë se 270 milion kompjutera po funksionojnë me Windows 10 njoftoi Microsoft
0 votes, 0.00 avg. rating (0% score)