Komisioni Europian: Shpejtësitë e internetit broadband në Europë më të ulëta sesa reklamohen

Publikuar më: 24-10-2015

Deciding-on-the-best-Broadband-internet-OfferKomisioni Europian ka publikuar një studim të fundit mbi internetin broadband në Europë. Ky studim analizon tre aspekte kyçe të këtij shërbimi: Shpejtësinë, Çmimin dhe Mbulimin.

Hulumtimi i parë është kryer mbi cilësinë e lidhjes së internetit broadband që zotërojnë qytetarët europianë. Rezultati konkludoi me fakte interesante ku abonentët e shërbimit të interneti mesatarisht përfitonin vetëm 75 % të shpejtësisë së internetit të reklamuar nga kompania. Hulumtimi i dytë u krye mbi çmimet dhe u zbulua se shërbimi i internetit po bëhet çdo ditë e më i përballueshëm për familjet europiane.

Në hulumtimin e tretë u analizua mbulimi gjeografik me këtë shërbim. Ky hulumtim tregoi edhe afirmimin e shërbimeve 4G LTE në Europë.

1. Shpejtësitë e internetit broadband

Sipas këtij hulumtimi u zbulua se konsumatorët europian të internetit përfitojnë vetëm 75 % të shpejtësisë së internetit që atyre u reklamohet. Kjo shifër ngelet e njëjtë krahasuar me një vit më parë.

Pavarsisht investimeve të vazhdueshme në rrjetet broadband i cili rriti edhe shpejtësinë mesatare të internetit nga 30 Mbps 201338 Mbps në 2014-tën, diferenca mes shërbimit të reklamuar dhe atij të përfituar ngelet po e njëjta.

Aktualisht Bashkimi Europian po kërkon nga operatorët që të jenë më transparentë duke u dhënë më shumë të drejta përdoruesve imponuar edhe nga rregullat e reja të një tregu të vetëm telekomunikacioni. Por interesante është të mësojmë se interneti është më i qëndrueshëm në rrjetet kabllor dhe ato me fibër optike sesa në teknologjitë tjera si xDSL. Gjithashtu shpejtësisë e internetit në Europë janë më të larta sesa ato që ofron në SHBA.

Teknologji të ndryshme – Shpejtësi të ndryshme

Diferencat me shpejtësive të reklamuara dhe atyre reale ndryshon bazuar në teknologjinë që shfrytëzohet për të ofruar këtë shërbim:

xDSL: Shërbimet e ofruar përmes kësaj teknologjie ofrojnë vetëm 63.3 % (63.8 % në 2013) të shpejtësive të reklamuara. 7 nga 10 konsumatorë europian aksesojnë internetin përmes një linje DSL. Kjo do të thotë se një pjesë e madhe e europianëve kanë akses në internet shumë të më ngadaltë sesa ata shpresojnë. Në disa shtete konsumatorët kanë akses në vetëm gjysmën e shpejtësis së reklamuar përmes teknologjisë xDSL.

Cable & Fiber: Interneti broadband i ofruar përmes një rrjeti kabllor Coax dhe Fiber është shumë më stabil sesa ai i ofruar përmes një linje xDSL. Europianët që aksesojnë internetin përmes një rrjeti kabllor përfitojnë 86 % të shpejtësisë së reklamuar ndërsa përmes një rrjeti fibrash optike(FTTx) vetëm 83 % të shpejtësisë së reklamuar.

Shpejtësia mesatare e shkarkimit llogaritet në 47.9 Mbps( 38.5 Mbps një vit më parë).

Broadbandspeed

Bashkimi Europian dhe SHBA-ja

Shpejtësitë e internetit broadband të arritura në Europë janë më të larta për çdo teknologji të përdorur krahasuar e SHBA-në:

xDSL shënon një shpejtësi mesatare prej 8.27 Mbps në Europë krahasuar me 7.67 Mbps në SHBA

Cable shënon një shpejtësi mesatare prej 66.57 Mbps në Europë krahasuar me 25.48 Mbps në SHBA

FTTx shënon një shpejtësi mesatare prej 53.09 Mbps në Europë krahasuar me 41.35 Mbps në SHBA

Është shumë e rëndësishme të citojmë se konsumatorët në SHBA përfitojnë 101% të shpejtësisë së reklamuar (92 % xDSL, 113 % FTTx dhe 102 % cable). ISP-të amerikane u ofrojnë konsumatorëve të tyre informacion më real rreth shpejtësive të internetit broadband që ofrojnë.

Broadbandprices

Duke filluar që nga muaji Prill i vitit të ardhshëm falë hyrjes në fuqi të Tregut të Unifikuar të Telekomunikacionit, operatorët janë të detyruar të jenë më transparentë. Kompanitë duhet të informojnë konsumatorët për shpejtësitë minimale, mesatare dhe maksimale që mund të arrijë një abonim i caktuar.

2. Çmimet e internetit broadband

Hulumtimi i dytë zbulon çmimet me pakicë të internetit broadband si mëposhtë:

– Pavarësisht stabilizimit të çmimeve në 2013-tën dhe 2014-tën, çmimet broadband në 28 shtetet anëtare të Bashkimit Europian përgjatë viteve 2012-2015 panë një rënie me 12 %. Rënia e çmimet u aplikuar kryesisht për segmentin 30-100 Mbps.

12-30 Mbps është shërbimi që ja vlen më shumtë krahsuar me çmimet që ka. Ndërsa çmimet për shërbimet mbi 100 Mbps janë kryesisht të larta.

– Çmimet më të ulëta në 80 % të rasteve ofrohen nga kompanitë e reja shërbimi i të cilave nuk është gjërësisht por lokalisht i disponueshëm.

– Çmimet e shërbimet të internetit në 28 shtetet anëtare të BE-së janë më të ulëta sesa në SHBA por më të larta sesa në Korenë e Jugut dhe SHBA.

3. Mbulimi me internet broadband

Hulumtimi i tretë e Komisionit Europian zbuloi se mbi 216 milion(99.4%) shtëpi europiane kanë akses në të paktën një shërbim interneti broadband fiks ose mobil. Internetit i shpejtësisë së lartë përmes teknologjive të reja si 4G LTE k aarritur një mbulim në 79.4 % nga 59.1 % në 2013-tën. Gjithashtu edhe rrjetet e gjeneratës së re (Next Generation Networks të afta të ofrojnë 30 Mbps) rezultuan të disponueshme në një masë mbi mesataren prej 68.1 %. Harta mëposhtë tregon edhe implementimin e rrjeteve NGA në shtete anëtare të BE-së.Broadbandcoverage

Hulumtimi i Komisionit Europian tregon se 31 shtete europiane kanë akses në 9 teknologjitë broadband: DSL, VDSL, Cable, Docsis 3.0, FTTP, WiMAX, HSPA, LTE dhe Satellite.

Metodologjia për të realizuar këtë hulumtim është përdorur edhe nga autoritete rregullatore në SHBA, Britani, Brazil dhe Singapor. Ky studim shfaq statistika nga 8582 matje të kryera. Këto paisje u shpërndanë në 30 shtete. Janë kryer mbi 10, 418, 841, 762 matje dhe mbi 66.4666.182 testime unike.

Bashkimi Europian dhe Shqipëria

Ndërsa AKEP nuk ofron një panoramë të diferencës mes shpejtësive të reklamuara dhe shpejtësive reale që përfitojnë konsumatorët, ne mund ti hedhim një sy statistikave të tjera si shpejtësite mesatare, normës së penetrimit, numrit të abonetëve dhe teknologjive të përdorura.

Në Shqipëri numë3rohen 1,460,381 abonentë të shërbimit internet fiks dhe mobile. Norma e penetrimit është në masën 50.4 % e popullsisë me akses në internet broadband në Shqipëri krahasuar me 68.1 % të normës së penetrimit në Europë.

Teknologjitë kryesore të përdorura për ofrimin e shërbimit të internetit broadband janë: 62% xDSL(6 % fije bakri, 54 % FTTC/N (300 m), 24 % Cable (21 % Docsis 2.0, 3 % Docsis 3.0 NGA, dhe 7 % FTTH/ FTTB.

Në Shqipëri shpejtësia mesatare e internetit është 4-10 Mbps për 60 % të lidhjeve dhe 2-4 Mbps për 26 % të lidhjeve. Në Europë shpejtësia mesatare e internetit sipas raportit të Komisionit Europian llogaritet afro 42.46 Mbps. AKEP nuk ka një shifër ekzakte por përllogarit në bazë të planeve tarifore që ofrojnë kompanitë. AKEP gjithashtu nuk ofron statistika të çmimeve të internetit broadband. (PCWorld Albanian)

Komisioni Europian: Shpejtësitë e internetit broadband në Europë më të ulëta sesa reklamohen
0 votes, 0.00 avg. rating (0% score)