Kodak Ektra, një telefon për fotografët por hardueri thotë të kundërtën

Publikuar më: 21-10-2016

kodak-ektra-smartphone-800x630Kodak, dikur super kompania amerikane e fotografisë, akoma beson tek ringjallja e kësaj marke legjendare me lançimin e Kodak Ektra, një telefon i cili bart emrin e kamerës ikonike Ektra.

Telefoni del në shitje gjatë Dhjetorit në Britani dhe Europë me kosto 450 paundë. Ektra është ndërtuar nga prodhuesi Bullitt dhe karakterizohet nga një skaj i hakuar dhe buton i dedikuar për realizimin e fotove.

Në pjesën e pasme gjendet një lente gjigande në formë të rrumbullakët por sensori brenda tij për fat të keq është më i vogël sesa mund të prisnit: 21 Megapiksel prodhuar nga Sony.

Edhe pse Ektra synon të shfaqet si një telefon ndryshe, nuk ka as një tipar që ta bëjë të tillë siç ishte rasti i Nokia Lumia 1020 me kamër 41 megapiksel. Në vend të kësaj do gjeni një kamer me autofokus, stabulizim optik, dhe lente f/2.0. Kamera frontale ka një sensor 13 megapiksel me lente f/2.2.

Në një kohë ku secili prej prodhuesve thotë se kanë ndërtuar telefonin më të mirë në botë, Kodak Extra është një produkt i varfër. Megjithatë kompania ka zhvilluar një aplikacion dedikuar kamerës me efekte dhe kapje të ndryshme që nga portretet, imazhet HDR, Bokeh, Macro, landscape etj.

Çdo gjë tjetër e Ektra është ajo që mund të prisni nga një telefon standart: procesor MediaTek Helio x20 me dybërthama Cortex A72 dhe 8 bërthama Cortex A53, 3GB RAM, 32GB memorje të brendshme dhe ekran 5 inç 1080p.

Në brendësi gjendet edhe një bateri goxha e mirë me kapacitet 3,000 mAh. Ektra vjen me Android Marshmallow 6.0 ndërfaqe të cilit është porthuajse terësisht stok. (PCWorld Albanian)

Kodak Ektra, një telefon për fotografët por hardueri thotë të kundërtën
0 votes, 0.00 avg. rating (0% score)