Harduer

Intel përgatitet të sjellë një tjetër gjeneratë të proçesorëve Pentium dhe Celeron

Apr 14 2016
0 Shpërndarje

intel-chip-100653007-galleryEdhe pse proçesorët Intel Core dominojnë sot tregun e kompjuterave, kompania nuk ka ndërmend të heqë dorë nga markat Pentium dhe Celeron. Prodhuesi i njohur i proçesorëve do të prezantojë së shpejti një gjeneratë të re të proçesorëve Pentium dhe Celeron me emrin e koduar Apollo Bay nga gjysma e dytë e 2016-tës.

Këto proçesorë të rinj do të jenë prezent në desktopët dhe laptopët me kosto të ulët bazuar në arkitekturën Goldmont të cilën e shfrytëzojnë edhe proçesorët me fuqi të ulët, Atom. Apollo Bay do të sjellë performancë më të lartë proçesorike dhe grafike shoqëruar nga jetëgjatësi më e lartë e baterisë u shprehën ekzekutivët e Intel gjatë një forumi mbajtur në Kinë.

Në të shumtën e rasteve kompjuterat me kosto të ulët fuqizohen pikërisht nga kjo linjë proçesorësh. Apollo Bay do të jetë pasardhësi i modeleve N3000 Pentium dhe Celeron të cilët janë njohur ndryshe si Braswell. Pritet që Intel gjithashtu të prezantojë proçesorë të rinj Core bazuar në arkitekturën Kaby Lake. (PCWorld Albanian)

Tags >

intel
Lajmet e fundit>