HP rifreskoi laptopët Stream me harduer dhe teknologji të reja

Publikuar më: 11-08-2016

hp-stream_11_x360_snowwhite__frontright_entertainment_win10-copy-100676393-largeHP prezantoi ditën e sotme një rifreskim të laptopëve Stream, një linjë kompjuterash buxhetor me Windows 10 e cila shërben si një alternativë krahas Chromebook-ëve.

Versionet më të fundit të linjës Stream përfshijnë një rifreskim të modelit 11.6 inç, hibridit x360 si dhe një rikthim të një modeli 14 inç.

Laptopët e rinj do të kenë antenë të dyfishtë 802.11ac për më shumë konektivitet. Janë të disponueshëm në katër ngjyra: blu, purpurt, të bardhë dhe zezë. Modelet në fjalë përmbajnë opsione si ekrane me rezolucion të lartë HD WLED me teknologjinë e reduktimit të reflektimeve Anti-Glare. HP zgjodhi të mos përditësonte modelin 13 inç.

HP-së i ka munguar një model 14 inç që kur prezantoi HP Streambook 14 në 2014-tën. Modeli bazë i laptopit të ri ka një proçesor Intel Celeron N3060, 4GB RAM, 32GB memorje të brendshme, lexues karte dhe Windows 10 Home. Ekrani për modelin standart ka rezolucion 1366×768.

Modeli 11 inç ka pothuajse të njëjtat specifika dhe është vetëm 0.7 inç i trashë dhe peshon 1.4 Kilogram. Së fundit Stream x360 ofron gjithashtu të njëjtat specifika të harduerit me një peshë prej 1.3 kilogram. (PCWorld Albanian)

HP rifreskoi laptopët Stream me harduer dhe teknologji të reja
0 votes, 0.00 avg. rating (0% score)