Le të tregohemi objektivë, asnjëri prej nesh nuk ka lidhje të ngushta me të gjithë miqtë e tij në Facebook, gjithsesi faqja prej kohësh na kujton për ditëlindjen e çdokujt.
Që aty pastaj varet nga ju do ta uroni apo jo atë person. Kjo mundësi tani është e disponueshme dhe në Google+.
“Të gjithë meritojnë pak dashuri në ditëlindjen e tyre, kështu që po e bëjmë më të lehtë për ju dhe miqtë tuaj të kujtoni ditëlindjet e njëri-tjetrit.
Duke filluar nga sot do të shikoni një kujtesë në Google.com kur dikush në rrethin tuaj ka ditëlindjen! Nga aty është më e lehtë të ndani mesazhe gazmore, foto apo video për personin që ka ditëlindjen,” lajmëroi Google në një postim në Google+.
Gjithsesi në qoftë se keni preferenca të veçanta, ato mund t’i rregulloni gjithmonë sipas dëshirës në mënyrë që “t’i ndani informacionet me njërëzit e duhur”.
Google thotë se për ta bërë këtë, duhet të drejtoheni tek faqja këtu. (PCWorld Albanian)
Kreu
Abonimi virtual