Lajmet

Gjysëm dekade nga mbyllja, Kim Dotcom premton rikthimin e Megaupload në 2017-tën

Jul 12 2016
0 Shpërndarje
Gjysëm dekade nga mbyllja, Kim Dotcom premton rikthimin e Megaupload në 2017-tën

kim-dotcom-640x349Kim Dotcom, baroni i famshëm i internetit, po planifikon të rilançojë uebfaqen e famshme Megaupload në 2017-tën, pesë vite pasi qeveria amerikane e mbylli pas akuzave për pirateri.

Në disa cicërima në rrjetin social Twitter përgjatë fundjavës, Dtocom la të kuptohej se Megaupload-i i ri do të përfshinte edhe monedhën dixhitale Bitcoin. Përdoruesit e mëparshëm të shërbimi do të rimarrin llogaritë e tyre së bashku me privilegje premium.

Në kulmin e saj, uebfaqja numëron mëse 150 milion përdorues të regjistruar dhe 50 milion vizitorë çdo ditë. Në 2012-tën FBI-ja ndaloi nga funksioni serverat e Megaupload pas një aksioni së bashku me autoritetet e Zelandës së Re të cilët bastisën vendqëndrimin e Dotcom.

Të ardhurat nga reklamimi dhe abonimet premium mendohet të kenë gjeneruar miliarda për Dotcom. Në 2010-tën besohej gjerësisht se çdo ditë ai personalisht fitonte 115,000 dollar. Në mesin e aseteve të sekuestruara gjatë ndërhyrjes së policisë numëroheshin mbi 20 makina luksese, një Kadillak ngjyrë pink, punë arti dhe 5.6 milion Paund investuar në kompanitë lokale. (PCWorld Albanian)

Lajmet e fundit>