Gjykata Amerikane dënon me 20 vite burgim hakerin shqiptar nga Kosova, Ardit Ferizi

Publikuar më: 24-09-2016

isis

Përditësim: Gjykata Federale e Aleksandrisë në Virxhinia të Shteteve të Bashkuara ka dhënë një dënim prej 20 vitesh për Ardit Ferizin nën akuzat e terrorizmit dhe mbështetjes së organizatave terroriste.

Gjykata Federale e Virxhinia në Shtetet e Bashkuara pritet të japë ditën e sotme dënimin për hakerin shqiptar nga Kosova, Ardit Ferizi, i cili u shpall fajtor për terrorizëm gjatë një seance gjyqësore mbajtur më 15 Qershor të këtij viti.

I akuzuar për vjedhjen e informacioneve të mbi 1,300 punojësve të ushtrisë amerikane për llogari të Shtetit Islamik, Ferizi rrezikon 25 vite burgim.

Seanca gjyqësore do të mbahet ditën e sotme në 16:00 me orën tonë lokale ku pritet të jepet dënimi për akuzat e vjedhjes së informacioneve personale të 100,000 qytetarëve, qasje të paautorizuar në serverat e një distributori online, kompromentim dhe shpërndarje e informacioneve sekrete të ushtrisë Amerikane tek Shteti Islamik.

Nën këto akuza Ferizi mund të përballet me 20 vite burgim për terrorizëm dhe 5 vite të tjera për krime online. Një raport të plotë të agjentit special të Byrosë Federale të Hetimit(FBI), Kevin Gallagher, mund ta gjeni në këtë lidhje. (PCWorld Albanian)

Gjykata Amerikane dënon me 20 vite burgim hakerin shqiptar nga Kosova, Ardit Ferizi
0 votes, 0.00 avg. rating (0% score)