AVADirect shpërndan All-in-One me prekje dhe sistem Intel CAP08

Ngjashëm me këtë

Gjurmoni biçikletën e vjedhur me pajisjen BikeSpike

Njihuni me mausin skanues “IRIScan”

Sa kalori djeg një klikim në mouse

Shiriti MYO ndjen lëvizjen e muskujve

A ka rëndësi hardueri në ditët e sotme

AvaDirect njoftoi për një sistem të ri AIO me ekran LED me prekje, FullHD 1080p, 21.5-inç me rezolucion 1920x1080, të quajtur Intel CAP08.

Pajisja më e fundit AIO e AVADirect është e ndërtuar rreth platformës Intel Q77 mini-ITX dhe përfshin një sasi të madhe përditësimesh nga më të rejat dhe më të fundit, me një çmim rreth 777$.

Ky çmim nuk është i shtrenjtë për një sistem ekrani me prekje AIO. Në qoftë se nuk i bëni asnjë ndryshim, sistemi përfshin në të një proçesor Intel Pentium G620 dual-core me shpejtësi 2.6GHz, kujtesë RAM DDR3 4GB, kujtesë të brendshme 750GB, lexues/shkrues DVD 8X, Wi-Fi 802.11b/g/n dhe sistem operimi Windows 7 Home Premium 64-bit.

Është një organizim i mirë i sistemit, por gjithsesi ju mund të bëni ndryshime dhe ta konfiguroni deri në një procesor Intel Core i7 3770S (Ivy Bridge), 16GB RAM dhe 1TB memorje të brendshme.

Në përpjekje për të balancuar çmimin me performancën, u bënë goxha ndryshime me konfigurimet e saj dhe u arrit në një çmim 1,132$ i cili konsiston në një Core i7 3470S quad-core Ivy Bridge, 16GB Crucial DDR3-1600 RAM, kujtesë të brendshme 750GB, lexues Blue-Ray, shkrues DVD, lidhje Wireless dhe sistem operimi Windows 7 Home Premium 64-bit.

Ju mund të zgjidhni dhe vetë konfigurimet duke klikuar në adresën zyrtare të AVADirect. (PCWorld Albanian)