Apple do të bazohet në veturën BMW i3 për të ndërtuar makinën e saj elektrike

Publikuar më: 27-07-2015

bmw-i3-appleKa disa kohë që flitet se gjigandi i teknologjisë Apple është duke ndërtuar një makinë elektrike. Pas punësimit të personave të kualifikuar nga industria e automobilave, kompania Apple është duke negociuar me atë BMW për të përdorur automjetin BMW i3 si bazë për ndërtimin e makinës elektrike që do të mbajë logon e Apple.

Sipas një raporti nga Manager Magazin, Tim Cook ka qënë pjesë e një takimi me ekzekutivë të BMW në Leipzig, Gjermani, gjatë të cilit ka ndjekur dhe linjën e prodhimit të këtij modeli automjeti. Kryesisht Apple është e interesuar për trupin me fibra karboni të makinës i3.

bmw-i3

BMW i3 është një makinë elektrike e projektuar më së miri e cila është e aftë të ecë deri në 80 milje me një karikim të vetëm. Por dhe mund të përdoret si një makinë e zakonshme duke qënë se ka të integruar dhe një motor që funksionon me karburant. Pavarësisht cilësive të larta, kjo makinë është shumë mbrapa modelit të Tesla. Model S ecën deri në 300 milje dhe ka vend për 7 persona në të. Për më tepër Tesla ka krijuar dhe një rrjet karikimi global për këtë makinë në të cilin vetura mund të karikohet për 20 minuta.

Kompanisë Apple i duhet të bëjë një punë goxha serioze në mënyrë që të konkurojë bindshëm modelet e makinave elektrike që janë në treg, sidomos atë të Tesla. Kohët e fundit është vënë re një tendencë e kompanive teknologjike për të qënë pjesë e biznesit të makinave elektronike por dhe atyre autonome. Më në fund duket se dhe ky biznes po përfshihet nga konkurenca. (PC World Albanian)

Apple do të bazohet në veturën BMW i3 për të ndërtuar makinën e saj elektrike
0 votes, 0.00 avg. rating (0% score)